1) Lo purmer dia d’escola , desvelhat tot docament,
Esbarrit en aqueth monde, hart de plors e de turmens,
E après cauques annadas, cada setmana en pension,
Viver drin mei luenh de casa, descobrir d’autas faiçons.
Repic : Adishatz, qu’ei a partir !
Tornarei , un beth matin , amic !
Qu’ei açi qui cau fenir,
Shens nat brut, shens nat chepic.
2) Vingt ans dejà lo beth adje, sentiment de libertat,
Qu’era lo temps de la hesta, en cantant nost' amistat.
Las purmeras amoretas, debat lo ceu estellat,
En los uelhs d’ua gojata, qui no calè pas deishar..
3) Plan ganhar la sua vita, qu’ei sovent luenh deu pais,
Lo tribalh deus joens adara, que’us a miat dincà Paris.
Alavetz tà las vacancas, que vienen passar l’estiu
Au cor d’un petit viladje, airejat per nost' arriu.
Adishatz
Paraulas & Musica : Bernard Boué